Ընդհանուր դրույթներ

Թուրքերեն սովորելու կամ սովորածը զարգացնելու ամենաարդյունավետ մեթոդը հատուկ Ձեզ համար կազմված ծրագրով դասընթացն է՝ հաշվի առնելով Ձեր մասնագիտությունը, նախասիրությունները, լեզուն սովորելու նպատակները և այլն։

Այդ պատասխանատու գործում Ձեր լավագույն ուղեկիցը կարող եմ դառնալ հենց ես, եթե նախընտրում եք լեզուն սովորել Ձեր տան ամենահարմարավետ անկյունում, կամ աշխարհի ցանկացած այլ կետում՝ առանց հաճախելու խմբակային դասընթացների։

  • Դասերին մասնակցության համար բավական է միայն ունենալ համակարգիչ՝ միացված ինտերնետին։
  • Դասերն անց են կացվում առցանց՝ Skype / Zoom / Microsoft Teams տեսազանգային հավելվածների և ժամանակակից այլ գործիքների միջոցով։
  • Սկսնակների պարագայում դասերին օգտագործվում են թուրքերենի ուսուցման նորագույն թվային սմարթ դասանյութեր։
  • Հաճախականությունն ու տևողությունը որոշում ենք ուսանողի հետ միասին։
  • Դասաժամի առցանց բնույթով պայմանավորված որոշ առանձնահատկություններից ելնելով՝ լինելու է պարտադիր տնային աշխատանք, որը կատարելու համար ձեզանից պահանջվելու է հավելյալ ժամանակ և հոգածություն։ 

Վարձավճար

  • Առաջին դասն ԱՆՎՃԱՐ է։
  • 1 ժամ տևողությամբ յուրաքանչյուր դասի արժեքն է 5000 դրամ։
  • 90 րոպե տևողությամբ դասի արժեքն է 7000 դրամ։ 

Ի գիտություն սկսնակների

Ի հավելումն վերոնշյալ պայմանների՝ սկսնակների հետ դասընթացը կազմակերպվում է ըստ լեզվի իմացության մակարդակների՝ A1, A2, B1 և ցանկության դեպքում B2 փուլերով, որոնցից յուրաքանչյուրի հաղթահարման համար կպահանջվի շուրջ 18 պարապմունք։

Առանձնակի դեպքերում հնարավոր է արագացված դասընթաց՝ դասաժամերի երկարացման և հաճախականության մեծացման հաշվին։

 

Ինչպե՞ս դիմել

Դասընթացին մասնակցելու համար խնդրում եմ լրացնել սույն հայտաթերթիկը։

——

Խմբակային դասերի համար կարդալ այստեղ։

Ինձ հետ կարող եք կապ հաստատել՝ նամակ ուղարկելով [email protected] հասցեին: